Одделот за Неонатологија ги нуди најсовремените услови за третман на здрави новородени и полуинтензивна нега, кои вклучуваат употреба на врвна медицинска опрема како и едуциран персонал. Во одделот се спроведува системот мајка/дете (rooming in).

Одделот за асистирана репродукција во Болница „Плодност“ располага со врвен стручен тим и најсовремена опрема по последните светски стандарди. Со години наназад ИВФ одделот е лидер со најголем процент на успешност во ИВФ(IVF) процедурите не само во регионот, туку и во светски рамки, кои бележат над 50% успешност во постапките.

Оперативниот оддел во Болница „Плодност“ се состои од две најсовремено опремени операциони сали и една сала за интервенции во состав на дневната болница.

Тимската работа е главна карактеристика на ОАРИЛ во Болница „Плодност“ и нуди најсовремени и висококвалитетни анестезиолошки услуги, употребувајќи најсовремена апаратура од познати светски произведители. Одделот обезбедува 24/7 часовна специјалистичка дејност, според највисоките стандарди (ASA, ESA, ESRA).

Одделот за рентген дијагностика при Болница „Плодност“ користејќи најсовремена апаратура, реализира повеќе видови на рентгенски прегледи, мамографија и ултрасонографски прегледи (ЕХО).

Ентузијазмот, вербата во успехот и фокусирањето кон иднината се клучот за успехот во нашата специјалистичка дијагностичка лабораторија, која е во чекор со светските трендови и нуди комплетна лабораториска дијагностика од високо стручни и специјализирани кадри и најсовремена опрема.

Во состав на Болница „Плодност“ работи и педијатриската амбуланта „Св. Стилијан“, која е секогаш достапна за преглед на Вашето дете. Педијатриското одделение се состои од амбулантен дел за преглед на деца од било која возраст, во кој ќе Ве дочека љубезниот медицински персонал.

Лабораторијата за молекуларна дијагностика при ПЗУ Плодност нуди поголем број на молекуларно-билошки техники кои опфаќаат докажување, анализирање и детекција на присуство или отсуство на одредени причинители на болест ( бактериски и вирусни инфекции), рана детекција на болести ( присуство или отсуство на мутации поврзани со одредено генетско заболување) и генетски состојби.

Болница „Плодност“ располага со 4 Амбуланти во кои што се вршат секојдневни гинеколошки прегледи од страна на докторите врз пациентите. Амбулантите се опремени со најнова технологија, која вклучува и најсовремени апарати за 4Д ехо дијагностика.