Акушерски Преглед

Акушерски Преглед

Акушерскиот преглед е преглед со кој се утврдува напредокот на бременоста. Овој преглед обично се изведува после закаснето или пропуштено менструално крварење или позитивен уринарен тест за бременост. Прегледот може да варира во зависност од гестациската возраст во која се изведува.

Акушерскиот преглед може да се подели на:

• Историја на пациентката: Разговор со бремената жена за да се процени нејзината акушерска и гинеколошка историја (како претходни породувања, операции и сл.) и да се оцени присуството на ризични фактори (придружни заболувања, штетни навики).
• Антропометриски мерења: Вклучува проверка на пулсот, крвниот притисок, висината и тежината (индекс на телесна маса), висината на матката, обемот на стомакот и др.
• Специјализиран акушерски преглед: Се изведува на гинеколошки стол или кревет и обично вклучува:
  • Преглед на вагиналните ѕидови и грлото на матката со специјален инструмент (спекулум).
  • Микроскопска и микробиолошка анализа на вагинален секрет.
  • Колпоскопија (по избор).
  • ПАП тест (по избор), обично во рана бременост.
  • Ултразвучен преглед (по избор).
  • Објективна проценка на грлото на матката со дигитален преглед и/или трансвагинален ултразвук (по избор).
  • Мерење на висината на матката и обемот на стомакот во напредната бременост.
  • Проценка на срцевите отчукувања на фетусот со акушерски стетоскоп или Доп-тон.
  • Кардиотокографија во напредната бременост

 
Во Болница Плодност, на сите наши пациентки им нудиме целосен спектар на тестови за објективна проценка на бременоста. Сите прегледи се изведуваат од страна на нашите специјалисти во удобна средина со висококвалитетна медицинска опрема. За повеќе информации околу можноста за објективна проценка на вашата бременост во Болница Плодност, консултирајте се со вашиот доктор или контактирајте ги нашите администратори.