Амиоцентеза

Амиоцентеза

Амиоцентезата е инвазивна пренатална процедура, при која, под постојан ултразвучен надзор, се пунктира амнионската кеса со помош на специјална игла и шприц за да се извади мала количина амнионска течност.
 
Земениот примерок потоа се испраќа на лабораториска анализа, која може да вклучува генетски тестови, вирусолошки испитувања или други дијагностички анализи.

Кога се изведува амиоцентезата?

• Амиоцентезата може да се изведе само по 16+0 гестациска недела.
• Постапката е релативно безболна, трае околу една минута, не бара посебна подготовка, и не претставува значителен ризик за бремената жена.

Колку време трае обработката на резултатите?

• Во зависност од видот на анализата, резултатите се достапни за 1 до 3 недели.
• Доколку се изведува ДНК (PCR) анализа, најчестите хромозомски аномалии можат да бидат исклучени во рок од 5 работни дена.

 
Ризици од амиоцентеза

• Ризикот од спонтан абортус поради процедурата се проценува на 0.5-1%.
• Тоа значи дека во група од 100 до 200 бремени жени, отприлика една може да има компликација поврзана со постапката
• Поради овој ризик, инвазивната пренатална дијагностика се изведува само по строга медицинска индикација и бара потпишана согласност од бремената жена.

 
Посебни препораки

Доколку пациентката има резус-негативна крвна група, се аплицира инјекција од Anti-D гама-глобулин за превенција на можни компликации.

 
Во Болница Плодност, амиоцентезата се изведува под строг медицински надзор, со напредна ултразвучна технологија, што гарантира максимална безбедност и прецизност.
 
За повеќе информации или закажување на консултација за амиоцентеза, ве молиме контактирајте го вашиот лекар или болничката рецепција.