Селективната фетицидна редукција

Селективната фетицидна редукција

Селективната фетицидна редукција, позната и како селективна редукција, е инвазивна процедура која се изведува за намалување на бројот на фетуси во повеќеплодна бременост поради медицински или специфични причини.
 
Кога се изведува селективната редукција?
 

• Оваа постапка најчесто се спроведува во раните фази на бременоста, односно во првиот триместар или почетокот на вториот триместар, најдоцна до 14 гестациска недела.
• Почесто се препорачува кај бремености кои настанале со ин витро оплодување (IVF), но може да се изведе и кај спонтано зачнати повеќеплодни бремености кога е потребно.

Селективната редукција во Болница Плодност може да се препорача во случаи на:

•  
• Дискордантност во структурни, хромозомски или генетски аномалии – Кога едниот фетус се развива нормално, а другиот има сериозна патологија (на пример, Даунов синдром, тешки структурни дефекти или други генетски нарушувања).
• Прекумерен ризик од предвремено породување – Ризикот се зголемува со бројот на фетуси:
  • 10% кај близначки бремености
  • 35% кај тројна бременост
  • Значително повисок кај бремености со четири или повеќе фетуси.
• Компликации специфични за повеќеплодните бремености, како што се:
  • Фето-фетален трансфузиски синдром (TTTS)
  • Тежок интраутерин застој во растот на еден фетус

 
Како се изведува селективната редукција?

• Процедурата се изведува под постојан ултразвучен надзор, со вметнување на игла низ абдоменот на бремената жена.
• Претходно се утврдува кој фетус ќе биде редуциран преку ултразвучен преглед и, доколку е потребно, инвазивна пренатална дијагностика.
• Во текот на постапката, во срцето на избраниот фетус се инјектира медикамент, што доведува до прекин на неговиот развој.

 
Безбедност и ризици

• Постапката е релативно безболна, не бара посебна подготовка, трае неколку минути, и не претставува ризик за мајката.
• Сепак, по селективната редукција, ризикот од спонтан абортус се зголемува од 7 до 12%, зависно од:
• • Индикациите за процедурата
  • Бројот на редуцирани фетуси
  • Гестациската недела во која е извршена интервенцијата.

 
Поради овие ризици, селективната редукција се изведува само по добиена писмена согласност од бремената жена.

За повеќе информации во врска со селективната редукција во Болница Плодност, консултирајте го вашиот лекар или јавете се во болничката рецепција.