НЕДЕЛЕН ОПЕРАТИВЕН БИЛАНС ВО ПЛОДНОСТ – НАПРЕДНА ЛАПАРОСКОПИЈА ВО ПРАКСА
23 јули 2025
Во Болница Плодност, минимално-инвазивната хирургија не е опција туку стандард. Нашиот пристап е едноставен и јасен – секоја интервенција треба да биде изведена со најсовремени методи кои овозможуваат побрзо опоравување, помала траума и подобри резултати за пациентите.
Над 95 проценти од интервенциите – изведени лапароскопски
Минатата недела успешно беа изведени 13 гинеколошки интервенции. Од нив, 10 беа лапароскопски, што ја потврдува нашата заложба кон минимално-инвазивниот пристап. Секој случај беше обработен со висок степен на внимателност, почитување на индивидуалните медицински потреби и највисоки протоколи за стерилност и безбедност.
Детален оперативен биланс
Во периодот од понеделник до недела, билансот на гинеколошки хируршки интервенции во Плодност изгледа вака:
-
10 лапароскопски интервенции, меѓу кои:
-
Тотални лапароскопски хистеректомии (TLH) кај пациентки со симптоматски миоми и аднексални формации
-
Лапароскопски drilling
-
Отстранување на ендометриозен нодул во ректо-вагинален простор
-
Лапароскопска цистектомија поради ендометриоидна циста
-
-
1 хистероскопија (HSC) изведена поради присуство на ендометријален полип и абнормално крварење
-
2 тотални абдоминални хистеректомии (TAH), изведени кај пациентки со специфични индикации каде што лапароскопскиот пристап не беше соодветен
Сите пациентки имаа стабилна постоперативна состојба уште истиот ден, што е резултат на искуството, техниката и тимската координација во операционите сали.
Истакнат случај на неделата
Еден од најзначајните случаи беше тотална лапароскопска хистеректомија кај пациентка со повеќе од 10 миоми и зголемена матка. Интервенцијата беше успешно изведена без потреба од класичен хируршки рез. Пациентката беше мобилизирана и стабилна уште истиот ден, што уште еднаш ја докажува ефикасноста на 3Д лапароскопската техника и нашата експертиза.
Нашите принципи: прецизност, безбедност и доверба
Секоја операција кај нас е резултат на јасна клиничка проценка, технолошка поддршка и стручност на тимот. Прецизноста во изведбата, безбедносните протоколи и довербата што ја градиме со пациентите се основата на секоја успешна интервенција.
Зошто да изберете Плодност?
-
Над 95 проценти од гинеколошките операции се изведуваат лапароскопски
-
Сите процедури се водени од врвни хирурзи со искуство во напредна лапароскопија
-
Употреба на најсовремена 3Д технологија и стерилни услови
-
Пациентите заминуваат дома најчесто следниот ден
Доколку сте пациентка со потреба од гинеколошка хируршка интервенција, консултирајте се со нашите специјалисти за да добиете индивидуален план на лекување.
Контакт
Плодност Болница Битола
Влез 1 – Гинеколошки и хируршки оддел
