IVF ПРИКАЗНИ ЗА УСПЕХ НАД 35 ГОДИНИ: ТРИ ЖЕНИ, ТРИ ПОБЕДИ
26 јули 2025
Во Плодност, веруваме дека возраста не е пречка кога медицината и искуството се водени со прецизност, истрајност и индивидуален пристап. Особено кај пациентките над 35 години, секој детаљ може да биде одлучувачки. Затоа, во овој текст ви споделуваме три реални приказни за жени кои, и покрај сите предизвици, успеаја да го остварат сонот за мајчинство.
Случај 1: Пациентка на 39 години – Одложен трансфер, замрзнати бластоцисти
Жена на 39 години се обрати кај нас по шест години од последното природно породување. При првата ин витро постапка преку ФЗОМ, беше забележан неадекватен ендометриум на денот предвиден за трансфер. Наместо да се ризикува, донесовме одлука да ги замрзнеме ембрионите на стадиум на бластоцисти и да се почека подобар момент. По неколку недели, ембрионите беа успешно одмрзнати и трансплантирани.
Резултат: успешна имплантација и здрава бременост – доказ дека точната проценка и трпеливоста носат резултати.
Случај 2: Пациентка на 38 години – MAKS метода кај висока ДНК-фрагментација
Оваа пациентка, на возраст од 38 години и по 4,5 години брак, веќе имаше претрпено долг третмански пат. При вториот ин витро обид, по детална анализа на спермиограмот, откривме висок процент на ДНК-фрагментација. Одлучивме да ја примениме MAKS методата за селекција на сперматозоиди – напредна техника која ја подобрува шансата за избор на генетски стабилни сперматозоиди.
Резултат: успешно зачната бременост, што уште еднаш ја потврди валидноста на прецизно одбраната метода.
Случај 3: Пациентка на 36 години – Индивидуализиран трет протокол
Пациентка на 36 години, со две неуспешни ин витро процедури зад себе и дијагноза OTA III (машки фактор), се соочи со потреба од внимателно приспособен трет протокол. По серија консултации и употреба на најсовремена технологија, беше избрана терапија која одговара на нејзиниот хормонален и репродуктивен профил.
Резултат: позитивен тест на бременост, моментално во 5 гестациска недела и 6 дена.
Овие случаи ја потврдуваат важноста на индивидуализираниот пристап во репродуктивната медицина. Кај Плодност, секоја пациентка е третирана со внимание и прецизност, а секоја постапка е изведена во согласност со најновите медицински протоколи.
Контакт за закажување:
Плодност – Центар за асистирана репродукција
