ЛАПАРОСКОПСКА ПЕКТОУТЕРОПЕКСИЈА: АЛТЕРНАТИВНА ТЕХНИКА ЗА ЗАЧУВУВАЊЕ НА МАТКАТА
11 август 2022
Пред два месеци направено е лапароскопско поткренување на матката кај млада жена на 30 години со субтотален пролапс на матката (испаѓање надвор од вагината).
Оставивме простор да видиме како ќе се опорави пациентката и како ќе се чувствува. Таа е добра и пресреќна што и е зачувана матката. Имено, кај овие жени се прави вадење на матката по вагинален пат. Ние применивме метода со која ја зачувавме матката. Направивме лапароскопско подигнување за пектинеалниот лигамент на карличната коска со помош на мрежичка. Со оглед на тоа дека имавме искуство со подигнување на вагината (волт пролапс) кај преходни 3 пациентки на сличен начин, операцијата ја направивме за само 1 час. Пациентката наредниот ден ја напушти болницата.
Друг алтернативен пат за поткренување на пролабираната матка е сакроколпопексијата, но таа е поврзана со повеќе компликации, појава на стресна инконтиненција, плус бара подолга хоспитализација и подолга аналгезија.
„Ова е нова метода за која сѐ уште се собираат искуства во светот. Ние остануваме доследни на нашата визија и мисија да применуваме најнова технологија и техника на ендоскопската хирургија“, вели д-р Христијан Трпчевски, младиот, но многу искусен лидер во областа на микроинвазивната хирургија во Македонија.
Оперативниот зафат може да го погледнете на следниот линк:
