Ендометриоза и неплодност – како лапароскопијата помага во зачувување на фертилитетот

Ендометриозата е една од најчестите состојби што може значително да влијае на плодноста кај жената. Во нашата секојдневна пракса во Плодност, често се среќаваме со пациентки кај кои оваа дијагноза е поврзана со потешкотии при забременување, но и со хронична болка и нарушен квалитет на живот

 

Состојбата се јавува кога ендометријалното ткиво, кое нормално се наоѓа во матката, почнува да расте надвор од неа. Ова може да доведе до воспалителни процеси во малата карлица и создавање на адхезии, односно сврзно ткиво кое ја менува природната анатомија. Како резултат на тоа, јајчниците, јајцеводите и околните структури може да не функционираат нормално, што директно го отежнува природното оплодување.

 

Кај дел од пациентките, ендометриозата доведува до формирање на ендометриоми на јајчниците, познати како „чоколадни цисти“. Овие промени не само што влијаат на овулацијата, туку можат да ја намалат и квалитетот на јајце-клетките. Во други случаи, анатомските промени во карлицата можат да го блокираат движењето на јајце-клетката и да ја намалат шансата за природна бременост.

 

Во вакви ситуации, современата лапароскопија претставува клучен дијагностички и терапевтски пристап. Со минимално инвазивна техника, овозможуваме прецизно отстранување на ендометриозните лезии, ослободување на адхезиите и враќање на нормалната анатомија на органите. Овој пристап не само што ги намалува симптомите, туку и значително ги подобрува условите за бременост.

 

Во Плодност, секој третман го планираме индивидуално. Пристапот не е ист за секоја пациентка, бидејќи ендометриозата може да се манифестира во различни форми и степени. Нашата цел е да најдеме баланс помеѓу ефикасно отстранување на болеста и максимално зачувување на фертилитетот.

 

Работејќи според европски стандарди, како болница во Битола, нудиме напредни лапароскопски интервенции кои овозможуваат побрзо закрепнување, помал ризик од компликации и подобри репродуктивни резултати. За нас, успехот не е само технички добро изведена операција, туку и создавање реална можност за идна бременост.