Хистероскопија

Хистероскопија

Хистероскопијата е гинеколошка процедура при која се користи специјален оптички уред (хистероскоп) за преглед на маточната шуплина под директна визуелна контрола. Постапката се изведува во специјално опремена манипулативна сала со специфичен инструментариум од страна на високо квалификуван гинеколог под анестезија. Хистероскопијата се изведува во првите денови по завршување на менструалниот циклус, кога слузницата на матката е најтенка. Нема потреба од посебна подготовка од страна на пациентката и не е потребен болнички престој. Сепак, процедурата бара претходно планирање.

Најчести индикации за хистероскопија:

• Абнормално маточно крварење;
• Зголемена дебелина на ендометриумот;
• Сомнеж за полипи или миомски јазли (фиброиди) во маточната шуплина;
• Потешкотии со забременување;
• Анатомски аномалии на матката (септуми, двурога матка и др.);
• Сраствувања во маточната шуплина по внатрешни манипулации (Ашерманов синдром);
• Отстранување на страно тело во маточната шуплина (спирала и др.).

 
Во зависност од обемот на интервенцијата, хистероскопијата може да биде дијагностичка и оперативна. Дијагностичката хистероскопија се користи за проценка на маточната шуплина, слузницата и внатрешните отвори на фалопиевите цевки. Доколку се детектира патологија (ендометријални полипи, субмукозни миоми, сраствувања, хиперплазии, крвавење, резидуален ткив), се спроведува оперативна хистероскопија. Ова вклучува употреба на специјални инструменти преку работните канали на хистероскопот за отстранување на проблематичните области (полипектомија, миомектомија, сраствувања) и земање на биопсиски материјал за хистолошка анализа.