Споделуваме три нови ИВФ приказни што покажуваат колку е важна довербата, истрајноста и поддршката.
11 јуни 2025
Во Плодност, секоја ИВФ приказна започнува со нешто многу посилно од терапија започнува со доверба. Денес споделуваме три нови случаи што ја потврдуваат важноста на тимскиот пристап, индивидуализираните методи и силната поддршка, дури и кога патот е долг и непредвидлив.
1. Имам 30 години, во брак сум 7
Пациентката веќе еднаш го помина ИВФ патот, успешно. Со првиот обид и со замрзнати бластоцисти доби здрава бременост и дете.
Сега, повторно ни ја довери најважната мисија: второ ИВФ, овојпат исто така со замрзнати ембриони и поддршка преку ФЗОМ.
На 5 недели и 4 дена гестациска возраст, ембрионот се развива стабилно. Иста доверба. Иста цел. Ново поглавје.
2. Имам 26 години, во брак сум 1.5 година
Причината за неплодност во овој случај беше машки фактор.
Избран беше најпрецизниот пристап – IVF со ICSI и M.A.S.K. протокол, кој овозможува максимална селекција и квалитет во процесот на оплодување.
На 5 недели гестациска возраст, бременоста се развива според сите медицински очекувања. Кога вистинската метода ќе се сретне со вистинскиот момент – животот почнува.
3. Имам 33 години, се обидувам 6 години
Во првиот ИВФ циклус беше постигната бременост, но истата мораше да се прекине во 20-та недела поради ретка фетална аномалија дијафрагмална хернија.
И покрај сѐ, оваа пациентка не се откажа.
Со втор обид и повторна поддршка од ФЗОМ, денес бременоста се развива нормално, со ембрион во стабилна фаза на 6 недели.
Нов обид. Нова надеж. Верба дека овојпат крајот ќе биде најубавиот можен.
