Сѐ повеќе жени избираат природен и смирен начин на породување – токму како нашата драга пациентка која по трет пат го избра породувањето во вода во Болница Плодност. Таа се породи во вода кај нас во 2021 и повторно во 2023 година. Во 2025, нејзиниот избор остана ист. Три бремености. Три породувања. Трипати иста одлука. Тоа не е случајност – тоа е доверба, искуство и безусловна поддршка.
Породувањето во вода е метод што се повеќе мајки го избираат поради неговите бројни придобивки. Д-р Кристинка Пајаковска е една од докторите кои придонесоа оваа метода да им биде достапна на пациентите во Болницата за плодност, активно работејќи на нејзината примена и усовршување.
Кога за првпат во Македонија го воведовме породувањето во вода кое сеуште и денес се изведува единствено во Болница Плодност, нашата цел беше да им овозможиме на жените помирно, побезбедно и помалку болно породување. Водата му помага на телото природно да се прилагоди на процесот, ги намалува болките и овозможува поголема релаксација, додека бебето доаѓа на свет во средина што наликува на утробата на мајката. Ова е метод со бројни придобивки за мајката и новороденчето.
Породување во вода – единствено во Македонија, достапно само во Болница Плодност
Утрово, во Болница Плодност го дочекавме 787 новороденче за оваа година. На свет дојде прекрасно девојче, преку методата на породување во вода.
„Отсекогаш сонував дека кога ќе имам дете, тоа ќе биде со породување во вода. Навистина прекрасен чин, на кој му се радуавв цело време. Бев подготвена, а во текот на целиот процес ме водеше грижливиот медицински тим. Знаев дека сум во сигурнин раце, соработувавме и така, со едно прекрасно искуство, на свет дојде моето прво дете, синчето Матеј“, вели мајката, која попладнево го имаше личното искуство со методата породување во вода.
Непосредно пред биењето на камбаните воочи големиот христијански празник Велигден, во Болница Плодност на свет дојде Дарио, со родилна тежина 3410 грама и 52 сантиметри должина. Мајката ја искористи погодноста за породување во вода, уникатна метода, која носи посебно задоволство за родилките и бебињата.
Породувањето во вода е сè попопуларен избор за идните мајки кои бараат мирно, природно и поттикнувачко искуство при раѓање. Нема зборови со кои може да се опише првата прегратка и првиот бакнеж на најмилото. Методата на породување во вода, носи неизмерно задоволство за мајката, што е пример со уште една наша пациентка.
Уште една мајка, под водство на д-р Владко Ѓорѓиевски, на свет го донесе своето новороденче, искористувајќи ги бенефитите на оваа метода, со која веднаш може да се почувствува првиот допир и прегратка со најмилото, кое мајката го исчекува цели 9 месеци.
Ако искуството е позитивно и незаборавно, тогаш сигурно ќе се повтори. Уште една мајка денес на свет го донесе своето бебе со методата на породување во вода, споделувајќи го со нас уникатното доживување, за неа по втор пат.
