Сѐ повеќе жени избираат природен и смирен начин на породување – токму како нашата драга пациентка која по трет пат го избра породувањето во вода во Болница Плодност. Таа се породи во вода кај нас во 2021 и повторно во 2023 година. Во 2025, нејзиниот избор остана ист. Три бремености. Три породувања. Трипати иста одлука. Тоа не е случајност – тоа е доверба, искуство и безусловна поддршка.
Првото капење на новороденчето е посебен момент! Во Болница Плодност, првото капење се прави во пријатна средина со вода од 36-37°C температура што најмногу одговара на нежната кожа на бебето.
Дијана Митрова има 33 години и доаѓа од Велес. Нејзината животна приказна е доказ дека довербата, времето и вистинскиот тим прават разлика. И покрај тоа што работи во канадски ИВФ центар, Дијана одлучи својата бременост да ја довери токму на македонскиот тим на Болница Плодност. По три години обиди за природно зачнување, неуспешни инсеминации и административни пречки од страна на ФЗОМ, каде ѝ беше побарана лапароскопија за да добие финансирање, Дијана ја донесе клучната одлука да дојде во Плодност. Таму ја пречека доктор Таше Трпчевски, кој по детална консултација утврди дека лапароскопија не е потребна и дека веднаш може да се започне со ИВФ циклус.
Денес е посебен ден во историјата на нашата болница! Со огромна радост го споделуваме нашиот нов рекорд – во моментов, на неонатолошкото одделение има 24 новороденчиња. Горди сме што за прв пат постигнавме ваков успех и што имаме можност да бидеме дел од најсреќните моменти во животите на толку многу семејства. Со задоволство објавуваме дека сите бебиња и нивните мајки се во одлично здравје. Проширувањето на нашата болница ни овозможи да имаме капацитет и ресурси за вакви моменти, каде што љубовта и животот се слават со ваква бројност.
Со голема храброст и љубов, мајката на свет донесе три мали ангели (две братчиња и сестричка), на ден кој симболизира љубов, семејство и заедништво. Таа е во одлична здравствена состојба, пресреќна и благодарна што на свет донесе ваков благослов.
Фототерапијата ја применуваме најчесто по првите 24-48 часа. Синото светло помага да се исфрли вишокот билирубин, а бебето за 1-2 дена го враќа својот природен румен сјај и здрав изглед.
Утринава, во 7.32 минути, дежурната екипа во Болница Плодност, предводена од д-р Владко Ѓорѓиевски, на свет го донесе 700 новороденче во 2024 година.
Во Болница Плодност на родилките им се посветува големо внимание во однос на учењето за правилно доење, начинот на држење на главата на бебето, начинот на правилно поставување на дојката и на се останато што е потребно за првите чекори во оваа значајна постапка и за мајката и за бебето. Времето за прво доење е веднаш по раѓањето ако бебето е родено природно, или следниот ден, ако се работи за породување со царски рез. Многу е важно да се започне со правилен начин на доење. Затоа, нашиот медицински персонал и сестрите, постојано се во консултација со мајките и им помагаат да се оствари првичниот контакт со бебето и правилно да започне процесот на доење.
