За прв пат во Македонија одбележување и вадење на сентинелни лимфни жлезди кај 85 годишна жена со ендометријален карцином по лапароскопски пат

Лапароскопскиот тим на Болница Плодност - Hospital Plodnost предводен од д-р Христијан Трпчевски, повторно со нов оперативен подвиг.

За прв пат во Македонија е направено одбележување и вадење на сентинелни лимфни жлезди (првите жлезди најблиску до ракот), кај 85 годишна жена со ендометријален карцином по лапароскопски пат, со што се отстранети матката, јајцеводите и јајчниците.

Најпрво направивме предоперативно мапирање на лимфните жлезди со ISG 99 /izocianid grin / и лапароскопска детекција со помош на високософистицирана опрема, (гама камера и интраоперативна 3Д навигација). На тој начин ја подобривме визуализацијата на сентинелните лимфните жлезди за време на операцијата, овозможувајќи попрецизна локализација, односно поточна анатомски локализација. На овај начин ги отстраниме сите сомителни лимфни жлезди зафатени од карциномот, како во малата карлица (pelvic limf nodes), така и надвор од неа (paraaortalni I paracavalni). На овој начин го одредиме хируршкиот стадиум на болеста, избегнувајќи го морбидитетот од комплетната лимфаденектомија.

Пациентката иако има 85 години, добро ја поднесе операцијата која траеше 2,5 часа. Третиот постоперативен ден ја напушти болницата. На денот на операцијата, таа беше мобилизирана бидејќи на стомакот имаше само 3 мали посекотини од 5мм. Ова е најнов тренд на современата лапароскопска технологија. Навистина сум горд што за прв пат ја применивме во нашата држава, рече д-р Христијан Трпчевски.