Нови стандарди во ИВФ лабораторијата во Македонија
27 мај 2025
Плодност поставува нова референтна точка
Кога станува збор за успех во процесот на вештачко оплодување (ИВФ), јавноста често мисли на очигледните фактори – квалитетот на ембрионите, возраста на пациентката или изборот на терапија. Но вистината е дека најважните делови од ИВФ процесот се често невидливи, но критични – тие се случуваат во ембриолошката лабораторија, зад затворени врати.
Плодност воведува најсовремена ИВФ лабораторија по ISO 6 стандарди
Во Болница Плодност, со години сме лидери во репродуктивната медицина во Македонија. Сега, со новата ИВФ лабораторија, ги подигнавме стандардите на ниво на водечките европски центри, како прва и единствена установа во земјата која ги имплементира ISO Class 6 услови во ИВФ лабораториска околина.
Кои се новитетите?
Филтрација на воздухот со HEPA и ULPA филтри – овозможуваат висока стерилност и заштита на ембрионите од честички, бактерии и контаминација.- Контролирана вентилација со ламинарен проток – воздухот тече хоризонтално, спречувајќи мешање и задржување на потенцијални загадувачи.
- Систем за медицински гасови со стабилен притисок – овозможува идеална атмосфера во инкубаторите.
- Криопросторија со независна климатизација и стерилни услови – осигурува стабилност при замрзнување на ембриони и јајце-клетки.
Зошто ова е важно?
Во ИВФ процесот, ембрионите се особено чувствителни на надворешни фактори. Дури и микроскопски варијации во температура, влажност или чистота на воздухот можат да влијаат врз нивниот развој.
Со овие нови системи, Плодност обезбедува максимално контролирана околина – секој ембрион добива третман каков што се применува во светски познати ИВФ клиники. Ова значи:
- Подобра ембрионска стабилност
- Повисоки стапки на имплантација
- Поголеми шанси за успешна бременост
Ембриологот Горан Стефановски: Технологија и визија заедно
„Она што го создадовме не е само лабораторија, туку целосна философија на пристап во ИВФ – каде технологијата, стандардите и емпатијата се обединети за секој пациент,“ вели ембриологот Горан Стефановски, кој беше водечки експерт во дизајнот и имплементацијата на новата лабораторија.
Плодност: Првиот избор за ИВФ во Македонија
Во период кога се повеќе парови бараат решенија за неплодност, Болница Плодност останува синоним за доверба, иновации и резултати. Со над 8000 ИВФ процедури зад нас и највисоки стандарди во регионот, ние не само што одговараме на очекувањата – ги надминуваме.
Болница Плодност е лоцирана во Битола, и претставува водечки центар за репродуктивна медицина во земјата. Посетете нè за консултација или следете ги нашите објави за повеќе информации за новите технологии во ИВФ.
