Кариотипизација: Анализа за откривање на генетските причини и вашата плодност
„Секојдневно работам со парови кои се соочуваат со предизвици како неплодност или повторливи спонтани абортуси. Знам колку прашања и неизвесност носат овие моменти. Затоа, сакам да зборувам за кариотипизацијата – тест кој ни овозможува да го откриеме тоа што понекогаш останува скриено.
Кариотипизацијата е генетска анализа што ги испитува хромозомите – нивниот број и структура – за да ги открие можните промени што влијаат врз плодноста,“ објаснува Прим. д-р Таше Трпчевски.
Како се прави анализата?
Со примерок од периферна крв, ги анализираме хромозомите под микроскоп, идентификувајќи аномалии како транслокации, делеции или неправилен број на хромозоми.
За кого е наменета?
- Парови кои подолго време се соочуваат со неплодност
- Жени кои имаат повеќекратни спонтани абортуси
- Пациенти со генетски абнормалности во семејната историја
- Лица со генетски нарушувања дијагностицирани претходно
Зошто е важна?
Оваа анализа е клучен чекор за откривање на причините и насочување кон соодветно решение.
Телефонски број за закажување термин 📞047 208 880
