На 56 години се роди Доротеа – уште една вистинска ИВФ приказна од Болница Плодност
Кога упорноста, науката и човечката надеж се сретнуваат – се раѓаат чуда. Во Болница Плодност сме сведоци на многу такви моменти, но приказната на 56-годишната Слаѓана Штајнерман од Србија е еден од највпечатливите примери.
Живеејќи во Германија, таа пред една година дојде во Плодност по долг и тежок пат, со една желба – да стане мајка. И покрај возраста и предизвиците, нејзината верба беше силна, а нашата медицинска проценка покажа дека со вистински пристап, можноста постои.
На 23 април 2025 година, Слаѓана ја роди својата ќерка Доротеа – име кое значи „дар од Бога“. Бебето се роди здраво, со максимална оцена, како резултат на прецизна медицинска грижа, тимска посветеност и нејзината одлучност.
Во својата порака која ја споделуваме со нејзина согласност, таа напиша:
„Добар ден докторе,
Честитам на уште еден успех. На 23 април се роди малата Доротеа малку порано, бидејќи во осмиот месец почнав многу да отекувам. Телото ми задржуваше вода, па поради тоа ме породија 15 дена пред термин. Но најважно е што бебето е здраво и доби оценка 10.
Секако, кога сте вие во прашање, ништо помалку не очекував. Германците останаа без зборови – жена од 56 години, ин витро од прв пат, успешно. Сите честитки до вас и целиот тим.
Се уште се опоравувам, но кога ќе бидам подготвена, ќе зборувам јавно за ова, ако и вие се согласувате. Секогаш бев во контакт со биолозите, кои многу ми значеа, особено со Горан и Стефан, со кои редовно комуницирав и кои ми беа голема поддршка.
Голем поздрав и ви благодарам за оваа среќа.“
Приказната на Слаѓана не е само резултат. Таа е инспирација за сите жени кои веруваат дека е предоцна. Возраста не мора да биде пречка кога постои медицинска подготвеност, тимско искуство и внимателно селектиран пристап.
Благодарност до биолошкиот тим, вклучително и Горан и Стефан, кои дадоа несебична поддршка во секој чекор.
Од срце честитаме заедно со целиот тим на Болница Плодност и посакуваме топло добредојде на малата Доротеа.
