Јубилејно 300-то бебе за 2025 година родено во Болница Плодност

Во Болница Плодност го прославивме 300-то бебе родено во 2025 година важен и емотивен момент што потврдува дека сме на вистинскиот пат.

Во раните утрински часови, преку спонтано породување, се роди малечкиот Максим. Неговиот доаѓање на светот е симбол на радост за неговото семејство и успех за нашиот тим.

Оваа бројка 300 новороденчиња само во првите два квартали од годината – носи огромно значење. Тоа е резултат на довербата која секојдневно ја добиваме од семејства од сите краеви на Македонија. Секое породување е посебна приказна, но кога бројките покажуваат стабилен и континуиран раст, тоа е јасен показател за сигурност, професионалност и посветеност.

Особено ни е важно што породувањето беше природно. Таму каде што условите го дозволуваат, се стремиме породувањето да се изведе без царски рез. Тоа значи побрзо закрепнување за мајката, помалку медицински ризици и природно поврзување со новороденчето.

Заслугата за ова успешно породување ја оддаваме на нашиот посветен тим. Тимот го сочинуваат д-р Ана Вангелов, д-р Маргарита Камбовска, прим. д-р Владимир Ристевски, како и медицинските сестри Билјана Поповска Марковска, Тања Дукоска и Александра Димовска.

Овие резултати не се случајни. Секој ден тимот вложува огромна енергија во грижата за мајките и бебињата, следејќи ги најновите медицински препораки и нудејќи емпатична и стручна поддршка во секоја фаза од породувањето.

За семејството на малиот Максим ова е ден што ќе остане засекогаш во нивната меморија. За нас, тоа е дополнителна мотивација да продолжиме со уште поголема одговорност.

Болница Плодност останува водечка институција за неонатологија и акушерство во регионот, посветена на обезбедување на најдобра можна грижа за секое новороденче и неговата мајка.

Добредојде на свет, Максим.