Tre paciente të moshës së njëjtë – tre diagnoza të ndryshme, një rezultat i përbashkët
4 Gusht 2025
Trajtim të personalizuar. Diagnoza të ndryshme. Sukses i njëjtë.
Në Spitalin Plodnost, çdo ditë sjell një histori të re me shpresë, përkushtim mjekësor dhe kujdes individual. Sot ndajmë historinë e jashtëzakonshme të tri pacienteve – të gjitha në moshën 32 vjeç – të cilat, pavarësisht diagnozave të ndryshme dhe trajtimeve specifike, arritën të njëjtin rezultat: shtatzëni e konfirmuar.
Këto raste dëshmojnë se kur trajtimi është i personalizuar dhe ekipi është i përkushtuar, suksesi është i mundur dhe real.
Pacientja 1: Pamjaftueshmëri e parakohshme e vezoreve
Pacientja 32 vjeç, e martuar për 2 vite, u diagnostikua me pamjaftueshmëri të parakohshme të vezoreve, një gjendje ku vezoret ndalojnë funksionin para moshës 40 vjeçare, duke e reduktuar ndjeshëm mundësinë për shtatzëni.
Trajtimi u krye me qeliza vezë të dhuruara.
Shtatzënia u konfirmua me ultratingull në javën e 5-të dhe 5 ditë, me prani të binjakëve.
Pacientja 2: Tuba të bllokuar dhe disbalancë hormonale
Pacientja tjetër, 32 vjeç dhe e martuar për 3 vite, kishte diagnozë të faktorëve të kombinuar mashkullor dhe femëror, përfshirë tuba të bllokuar të mitrës.
Gjatë ciklit kur ishte planifikuar transferimi i embrionit, u vërejtën nivele të larta të progesteronit, që ndikojnë negativisht në suksesin e implantimit.
Embrioni u ngriu si blastocist në ditën e 5-të. Pas dy muajsh, me përgatitje të kujdesshme të endometrit, u krye transferimi në momentin ideal.
Shtatzënia u konfirmua në javën e 5-të dhe 2 ditë.
Pacientja 3: Rezervë e ulët ovariane (AMH 0.1)
Pacientja e tretë, po ashtu 32 vjeç dhe e martuar për 10 vite, kishte diagnozë të rezervës shumë të ulët të vezoreve, me AMH 0.1 – që tregon pak ose aspak qeliza vezë të cilësisë së lartë.
Pas një përpjekjeje të pasuksesshme, cikli i dytë i IVF u krye me protokoll të personalizuar, të ndërtuar sipas profilit të hormoneve dhe reagimit ovarian.
Shtatzënia u konfirmua në javën e 4-të dhe 6 ditë.
Çfarë i bashkon këto tri raste?
Edhe pse të ndryshme në diagnozë dhe qasje, të tri pacientet kishin disa elemente të përbashkëta:
-
Trajtim të personalizuar
-
Monitorim të vazhdueshëm
-
Mbështetje nga një ekip me përvojë në IVF
-
Laborator i avancuar embriologjik
-
Kujdes ndaj çdo detaji mjekësor dhe emocional
Në Spitalin Plodnost, çdo histori fillon me dëgjim, planifikim dhe udhëheqje të bazuar në besim.
Mësoni më shumë
