Reparti i neonatologjisë ofron kushte moderne për trajtimin e të porsalindurve të shëndetshëm dhe kujdes gjysmëintensiv, i cili përfshin përdorimin e pajisjeve mjekësore moderne si dhe personelin e arsimuar. Sistemi nënë/fëmijë (rooming in) zbatohet në repart.

Në ditët pas lindjes, të porsalindurve u bëhet ekografia dhe kontrolli klinik i ijeve, depistimi për hipotiroidizëm, ekzaminimi ekokardiografik dhe ekografik i SNQ-së, trajtimi i verdhëzës pas lindjes, administrimi i vaksinës BCG dhe Hepatiti B. Në kuadër të reparteve ka diagnostikim laboratorik bashkëkohor si dhe mundësi për aplikimin e diagnostifikimit digjital me rreze X.

Reparti ka një hapësirë të veçantë për izolimin e të porsalindurve me infeksione pas lindjes dhe trajtimin e duhur profesional dhe në kohë të tyre me terapi adekuate, si dhe monitorim 24 orësh. Reparti është i pajisur me inkubatorë transporti më të avancuar për të sapolindurit, si dhe një mjet transporti autoambulancë shumë të sofistikuar, i disponueshëm 24 orë në ditë. Kujdesi gjysëm intensiv ka 3 inkubatorë me pajisje shoqëruese për kujdesin intensiv (infuzioma, perfusorë, monitorë, foto llamba, ngrohëse, barishte, aparat ekografik).

Shërbimet e ofruara nga reparti i neonatologjisë:

• Edukimi prenatal për prindërit dhe kujdesi për një të porsalindur
• Edukimi për nënat për ushqyerje të suksesshme me gji sipas sistemit “dhjetë hapa drejt ushqyerjes të suksesshëm me gji” nga një ekip infermierësh me arsim të lartë.
• Reanimimi, stabilizimi dhe trajtimi i të porsalindurve
• Depistimi i TSH-së (Thyroid-Stimulating Hormone)
• Depistimi ortopedik dhe kardiologjik
• Diagnoza transkutane (pa gjak) e bilirubinës, si dhe trajtimi i hiperbilirubinemisë me fototerapi

Në repartin e neonatologjisë ekziston një klinikë ku të porsalindurit monitorohen në mënyrë të përhershme në rritjen dhe zhvillimin e tyre. Ekipi i neonatologjisë përbëhet nga tre neonatologë dhe staf mjekësor me arsim të lartë.