Првото капење на новороденчето е посебен момент!

Во Болница Плодност, првото капење се прави во пријатна средина со вода од 36-37°C температура што најмногу одговара на нежната кожа на бебето.

Новороденчињата се раѓаат со верникс казеоза - природен, заштитен слој што ја одржува кожата хидрирана, ја штити од бактерии и помага при терморегулација. Поради бројните придобивки, бебињата во болницата ги капеме само еднаш или двапати за време на престојот овозможувајќи му на верниксот да ги исполни своите природни функции.

По капењето, следува лесна масажа што го релаксира бебето, ја поттикнува циркулацијата и му помага полесно да заспие. Повеќето новороденчиња ја обожаваат оваа нежна рутина која докажано дава чувство на сигурност, нежност и топлина.

Со голема храброст и љубов, мајката на свет донесе три мали ангели (две братчиња и сестричка), на ден кој симболизира љубов, семејство и заедништво. Таа е во одлична здравствена состојба, пресреќна и благодарна што на свет донесе ваков благослов.

Со методите на асистирана хумана репродукција (АРТ), пациентката имаше успешно изведена инсеминација – која помогна во остварувањето на овој прекрасен момент.

„Со методите на хумана асистирана репродукција го зголемуваме наталитетот,“ вели прим. д-р Таше Трпчевски.

Денес сме сведоци на едно од најубавите чуда што медицината и животот можат да ги подарaт.

Нека празничната магија продолжи во нивниот дом!

Доза утринска релаксација

Нашето слатко бебенце удобно си ужива под терапевтска сина светлина – безбеден и ефикасен начин како третираме жолтица кај новороденчињата.

Фототерапијата ја применуваме најчесто по првите 24-48 часа. Синото светло помага да се исфрли вишокот билирубин, а бебето за 1-2 дена го враќа својот природен румен сјај и здрав изглед.

Утринава, во 7.32 минути, дежурната екипа во Болница Плодност, предводена од д-р Владко Ѓорѓиевски, на свет го донесе 700 новороденче во 2024 година.

Секојдневното растење на големото Плодност семејство и довербата на нашите пациенти, е само мотив и предизвик повеќе, за нашата успешна работа и респектабилната бројка на новороденчиња во болницата.

Среќата има едно име - Болница Плодност!

Телефонски број за закажување термин
047 208 880

Во Болница Плодност на родилките им се посветува големо внимание во однос на учењето за правилно доење, начинот на држење на главата на бебето, начинот на правилно поставување на дојката и на се останато што е потребно за првите чекори во оваа значајна постапка и за мајката и за бебето.

Времето за прво доење е веднаш по раѓањето ако бебето е родено природно, или следниот ден, ако се работи за породување со царски рез. Многу е важно да се започне со правилен начин на доење. Затоа, нашиот медицински персонал и сестрите, постојано се во консултација со мајките и им помагаат да се оствари првичниот контакт со бебето и правилно да започне процесот на доење.

А бебињата, како оваа наша убавица, веднаш преку нивниот инстинкт, започнуваат да бараат храна и да се припојуваат кон мајката.