Живеејќи во Германија, таа пред една година дојде во Плодност по долг и тежок пат, со една желба – да стане мајка. И покрај возраста и предизвиците, нејзината верба беше силна, а нашата медицинска проценка покажа дека со вистински пристап, можноста постои. 

На 23 април 2025 година, Слаѓана ја роди својата ќерка Доротеа – име кое значи „дар од Бога“. Бебето се роди здраво, со максимална оцена, како резултат на прецизна медицинска грижа, тимска посветеност и нејзината одлучност. 

Во својата порака која ја споделуваме со нејзина согласност, таа напиша: 

„Добар ден докторе, 
Честитам на уште еден успех. На 23 април се роди малата Доротеа малку порано, бидејќи во осмиот месец почнав многу да отекувам. Телото ми задржуваше вода, па поради тоа ме породија 15 дена пред термин. Но најважно е што бебето е здраво и доби оценка 10. 
Секако, кога сте вие во прашање, ништо помалку не очекував. Германците останаа без зборови – жена од 56 години, ин витро од прв пат, успешно. Сите честитки до вас и целиот тим. 
Се уште се опоравувам, но кога ќе бидам подготвена, ќе зборувам јавно за ова, ако и вие се согласувате. Секогаш бев во контакт со биолозите, кои многу ми значеа, особено со Горан и Стефан, со кои редовно комуницирав и кои ми беа голема поддршка. 
Голем поздрав и ви благодарам за оваа среќа.“ 

Приказната на Слаѓана не е само резултат. Таа е инспирација за сите жени кои веруваат дека е предоцна. Возраста не мора да биде пречка кога постои медицинска подготвеност, тимско искуство и внимателно селектиран пристап. 

Благодарност до биолошкиот тим, вклучително и Горан и Стефан, кои дадоа несебична поддршка во секој чекор. 

Од срце честитаме заедно со целиот тим на Болница Плодност и посакуваме топло добредојде на малата Доротеа. 

The post At 56, She Gave Birth to Dorotea – Another IVF Milestone at Hospital Plodnost appeared first on Hospital Plodnost.

Настанот се одржа под темата „Разновидност, одржливост и отпорност во репродуктивната медицина“, со акцент на предизвиците и иновациите во третманот на неплодност на глобално ниво. Конгресот собра водечки светски имиња од областа на асистираната репродукција, вклучувајќи лекари, ембриолози, истражувачи и претставници од меѓународни здруженија. 

Прим. Д-р Трпчевски присуствуваше на конгресот заедно со колегите д-р Митко Ивановски од Acibadem Sistina и д-р Митко Маџунков кој живее и работи во Канада. Средбите со стручњаци од целиот свет беа можност за размена на знаење, пристапи и идеи кои во иднина ќе помогнат во понатамошно унапредување на ИВФ практиките и персонализираниот пристап кон пациентите во Болница Плодност. 

Темите на кои се дискутираше на конгресот опфатија: 

• Одржливост и пристапност на асистираната репродукција 

• Нови трендови во ембриолошка селекција и генетски скрининг 

• Улогата на персонализиран ИВФ третман и напредните лабораториски технологии 

• Етички предизвици и различности во пристапот меѓу континентите 

• Интеграција на вештачка интелигенција во ИВФ процеси 

Учеството на вакви меѓународни настани е дел од нашата стратегија за постојан професионален развој и следење на најновите достигнувања во светската медицинска заедница. Болница Плодност останува посветена на тоа да го пренесе најсовремениот пристап во лекувањето на неплодност и грижата за пациентите во Македонија. 

Покрај професионалниот дел, посетата на Токио остави и личен впечаток. Градот, уреден, технолошки напреден и исполнет со почит кон традицијата, претставуваше идеална локација за еден ваков настан. Енергијата и културата на Јапонија оставија длабок впечаток и дополнително го збогатија ова искуство. 

The post Prim Dr Tashe Trpchevski Attends the IFFS World IVF Congress 2025 in Tokyo appeared first on Hospital Plodnost.

По три години обиди за природно зачнување, неуспешни инсеминации и административни пречки од страна на ФЗОМ, каде ѝ беше побарана лапароскопија за да добие финансирање, Дијана ја донесе клучната одлука да дојде во Плодност. Таму ја пречека доктор Таше Трпчевски, кој по детална консултација утврди дека лапароскопија не е потребна и дека веднаш може да се започне со ИВФ циклус.

Во текот на ембриотрансферот беа вратени два ембриони. Едниот се подели и дојде до тризначна бременост со висок ризик. Два ембриони се најдоа во иста амнионска кеса, додека третиот беше одвоен.

На 9-та недела, заедно со тимот на Плодност, беше донесена сериозна и стручна одлука за селективна ембриоредукција. Целта беше заштита на мајката и обезбедување стабилна бременост. Дијана се консултираше и со колегите од нејзиниот канадски центар кои беа изненадени што ваквата интервенција кај нас се прави порано отколку кај нив. Токму времето беше клучниот фактор што ја доведе бременоста до успешен исход.

Процедурата помина успешно и бременоста продолжи без компликации. Девет месеци подоцна, Дијана се породи по природен пат. Таа признава дека до самиот крај се двоумела за царски рез, но довербата што ја доби од доктор Таше беше пресудна.

Процедурата помина успешно и бременоста продолжи без компликации. Девет месеци подоцна, Дијана се породи по природен пат. Таа признава дека до самиот крај се двоумела за царски рез, но довербата што ја доби од доктор Таше беше пресудна.

Болница Плодност ја спојува стручноста, искуството и човечноста за да овозможи најдоброто ИВФ искуство во Македонија.

The post IVF Success Story – Diana Chose Plodnost Instead of a Canadian IVF Centre appeared first on Hospital Plodnost.