Операцијата ја изведе Д-р Христијан Трпчевски, со висок степен на прецизност и контрола благодарение на користењето на 3D лапароскопски систем од најнова генерација. Пациентката, која сѐ уште не ја завршила својата репродукција, беше со дијагностициран цервикален миом со димензии од 6 до 7 сантиметри. Миомот беше локализиран во близина на десниот уретер, што значително ја зголемуваше комплексноста и ризикот од операцијата.

Со внимателно ретроперитонеално препарирање, уретерот беше прецизно идентификуван и заштитен уште во рана фаза на процедурата. Благодарение на одличната ориентација во ретроперитонеалниот простор и напредната техника, целата интервенција беше изведена безбедно и без компромис на репродуктивната способност на пациентката.

3D лапароскопската технологија овозможува хирурзите да работат со зголемена длабочинска перцепција, појасна визуелизација и потполна контрола при манипулација со анатомски структури во чувствителни региони. Ваквиот пристап овозможува успешно решавање на сложени случаи без потреба од отворена хирургија, што значи побрзо заздравување и значително намален ризик од компликации.

Пациентката очекувано ќе ја напушти Болница Плодност веќе наредниот ден и ќе може да се врати на своите секојдневни активности. Но најважно од сѐ е тоа што нејзината фертилност е целосно зачувана и можноста за идно мајчинство останува недопрена.

 
Сѐ почесто се соочуваме со вакви предизвици, кои само ја потврдуваат довербата што пациентите ја имаат во нашиот тим. Овој случај е уште еден доказ дека лапароскопијата, кога се изведува од искусен тим со вистинска технологија, претставува сигурен и минимално инвазивен начин на лекување.

Ова е само уште една успешна приказна што ја потврдува нашата позиција како водечки центар за напредна лапароскопска хирургија во Македонија.

The post Cervical Myoma Successfully Removed While Preserving Fertility with 3D Laparoscopy at Hospital Plodnost appeared first on Hospital Plodnost.

Избрани интервенции што ги одбележаа првите месеци од 2025 година: 

Парааортокавална и пелвична лимфаденектомија Изведена кај пациентки со ран оваријален или ендометријален карцином. Интервенцијата вклучува прецизна дисекција во близина на аортата, вена кава и големите крвни садови во малата карлица. 
Се изведува кај пациенти со рана фаза на рак на јајниците или на ендометриумот. Вклучува прецизна дисекција во близина на аортата, вена кава и големите карлични садови. 

Сакроколпопексија 
Се применува како златен стандард за третман на пролапс на вагиналниот купол. Со стабилна фиксација на куполата на сакрумот, се обезбедува долгорочна поддршка. 

Пектофиксација 
Алтернатива на сакроколпопексија со фиксација на матката на lig. iliopectineale. Се применува кај млади пациентки кои сакаат да ја сочуваат матката. 

VNOTES хистеректомија 
Напредна лапароскопска техника каде матката се отстранува преку вагината, без резови на стомакот. Методата овозможува побрзо опоравување и минимална траума 

Комплексна миомектомија со зачувување на матката 
Работа со миоми од 2 до 15 сантиметри, повеќебројни или длабоко лоцирани. Се зачувува ендометриумот и репродуктивната функција. 

Лапароскопски серклаж 
Применет кај бремени пациентки со цервикална инсуфициенција со цел превенција на предвремено породување. 

Третман на длабока инфилтративна ендометриоза 
Сложени случаи кај кои ендометриозата инфилтрира мочен меур, уретери и црева. Интервенциите вклучуваат мултидисциплинарен пристап со уролошка и колоректална лапароскопија. 

Хистеректомија кај матки со големина до папок 
Дури и кај матки со голема волуменска маса, хистеректомијата беше изведена лапароскопски без потреба од отворена хирургија. 

Интервенции кај пациентки со висок BMI или тешки адхезии 
Се третираат случаи со ограничен пристап каде потребно е искуство и прецизно движење во адхезивна анатомија. 

Третман на ретроперитонеални тумори 
Изведени беа супрацервикални хистеректомии со зачувување на структурата на цервиксот и заштита на околните органи. 

Отстранување на цисти и отворање на јајоводи кај пациентки со неплодност 
Овие минимално инвазивни постапки имаат големо влијание врз подобрување на фертилитетот. 

Пексија на ретровертирана матка 
Се изведува кај пациентки со хронична болка или проблеми при забременување. Матката се поставува и фиксира во нејзина анатомска позиција. 

Нашиот фокус останува јасен 

Во сите овие интервенции, клучна улога има индивидуалниот пристап, деталната предоперативна проценка и максималното зачувување на органите и функциите. Лапароскопијата денес не е само алтернатива туку стандард, кога е во рацете на искусен тим. 

Д-р Христијан Трпчевски и тимот на Болница Плодност продолжуваат да го поставуваат стандардот за напредна минимално инвазивна гинеколошка хирургија во Македонија. 

The post Advanced Laparoscopic Surgery in 2025 Complex Cases Performed by Dr Hristijan Trpchevski and the Team at Hospital Plodnost appeared first on Hospital Plodnost.