Hospital Plodnost

Ureaplasma – why timely diagnosis and treatment matter

dev — Fri, 29 Aug 2025 12:28:29 +0000

Уреаплазмата е бактерија која често е присутна во урогениталниот тракт и кај мажи, и кај жени. Иако во голем дел од случаите инфекцијата може да помине незабележано, со текот на времето таа може да предизвика сериозни проблеми со репродуктивното здравје. Затоа, навремената дијагноза и терапија се од суштинско значење.

Како се пренесува уреаплазмата

Уреаплазмата се пренесува најчесто преку сексуален контакт, но може да биде пренесена и од мајка на бебе за време на породување. Иако не секој кој е носител развива симптоми, инфекцијата може да се активира кога имунитетот е ослабен.

Кои се ризиците ако не се третира

Кога не се открие и третира навреме, уреаплазмата може да доведе до:

Воспаленија на уринарниот или репродуктивниот систем
Проблеми со плодноста кај мажите и жените
Компликации во бременоста, вклучувајќи ризик од предвремено породување или инфекција на плодот
Поголем ризик од повторливи инфекции

Симптоми на уреаплазма

Во голем дел од случаите, инфекцијата не предизвикува симптоми. Кога тие се присутни, можат да вклучуваат:

Пецкање или болка при мокрење
Непријатност или болка во долниот дел на стомакот
Исцедок од урогениталниот тракт

Дијагноза и третман во Плодност

Во Болница Плодност, уреаплазмата се открива со современи молекуларни тестови кои овозможуваат брза и прецизна дијагноза. Врз основа на резултатите, лекарите изготвуваат индивидуализиран план за терапија за целосно елиминирање на инфекцијата и заштита на репродуктивното здравје.

The post Ureaplasma – why timely diagnosis and treatment matter appeared first on Hospital Plodnost.

The 500th baby born in 2025

dev — Fri, 29 Aug 2025 12:12:08 +0000

Во Болница Плодност, секое ново раѓање носи радост и надеж, но денешниот ден е посебен – го пречекавме 500-тото бебе во 2025 година. Малата Мариа, родена спонтано во 12:38 часот, со тежина од 3.532 грама и должина од 50 сантиметри, е симбол на нов почеток и радост за целото семејство.

Нејзините родители го избраа името Мариа во чест на утрешниот голем христијански празник – Голема Богородица, додавајќи уште еден слој емоција и значење на овој посебен момент.

Тимска работа и посветеност

Овој успех е резултат на тимската работа на нашиот посветен персонал:

Др. Кристинка Пајаковска, спец. акушер-гинеколог
Prim. Dr. Anica Apchevska Vasileva, неонатолог
Медицинските сестри Фросина, Наташа и Билјана
Акушерките Ирена, Жанета и Фиона

Нивната грижа и професионализам се клучни во секој момент – од првиот преглед до првите плачови на новороденчето.

Ден на надеж и нови почетоци

Во неонатолошкиот оддел денес се грижимe за вкупно 14 бебиња, што ја прави оваа среда навистина благословена и исполнета со нови приказни, љубов и надеж за иднината.

Нашата мисија

Во ПЛОДНОСТ, секое раѓање е потврда на нашата посветеност да бидеме најсигурната рака за секое семејство. Нашата цел е секогаш иста – да обезбедиме највисок стандард на грижа и поддршка за мајките, бебињата и нивните семејства.

The post The 500th baby born in 2025 appeared first on Hospital Plodnost.

Karyotyping: the key to answers in infertility and recurrent miscarriages

dev — Fri, 29 Aug 2025 11:09:03 +0000

Кариотипизацијата е една од најважните цитогенетски анализи која нуди длабински увид во хромозомскиот состав на човекот. Со помош на примерок од периферна крв, се анализира бројот и структурата на хромозомите, што овозможува откривање на анеуплоидии, транслокации, дупликации, делеции и мозаицизми – абнормалности кои често се поврзани со проблеми со плодноста и повторливи спонтани абортуси.

Кога се препорачува кариотипизација

Кариотипизацијата е корисна дијагностичка алатка за различни групи на пациенти:

Парови со инфертилитет – без разлика дали е примарен или секундарен
Пациенти со повторливи спонтани абортуси – три или повеќе загубени бремености
Лица со фамилијарна историја на генетски абнормалности
Пациенти со нејасни клинички симптоми кои упатуваат на можни хромозомски проблеми

Зошто е важна оваа анализа

Хромозомските абнормалности се една од најчестите причини за неплодност или неуспех на имплантација при ин витро постапки. Со кариотипизација, лекарите можат да предложат индивидуализиран пристап кон третманот, кој значително ги зголемува шансите за успешна бременост.

Karyotyping at Plodnost

Во Плодност, кариотипизацијата се изведува со користење на современи лабораториски методи, со висок степен на точност. Резултатите им овозможуваат на лекарите да ги донесат најдобрите одлуки за понатамошниот третман, особено кај парови кои се подложуваат на IVF или други асистирани репродуктивни технологии.

Напредок во генетската медицина

Со напредокот на генетската медицина, ваквите анализи не само што помагаат во дијагностицирање, туку и во предвидување на ризиците и планирање на безбедна и здрава бременост.

The post Karyotyping: the key to answers in infertility and recurrent miscarriages appeared first on Hospital Plodnost.

Stress test – the most reliable check-up for your heart

dev — Mon, 25 Aug 2025 11:21:12 +0000

Стрес тестот, познат и како ергометрија, е еден од најважните кардиолошки прегледи кој овозможува навремено откривање на проблеми со срцето уште пред да се појават сериозни симптоми. Со контролирано физичко оптоварување и постојано следење на срцевата активност, овој тест дава прецизна слика за здравјето на срцето и е клучен во превенцијата и дијагностиката на кардиоваскуларни заболувања.

Кога се препорачува стрес тест

Стрес тестот е особено корисен за:

Пациенти со болки или притисок во градите
Лица со сомневање за срцеви аритмии
Следење на ефектот од терапијата кај пациенти со дијагностицирани срцеви заболувања
Лица со зголемен ризик за кардиоваскуларни болести, како пушачи, лица со дијабетес, висок крвен притисок или семејна историја на срцеви заболувања

Како се изведува тестот

Пациентот вежба на лента за трчање или на статичен велосипед, додека лекарите постојано ги следат срцевите отчукувања, притисокот и електрокардиограмот. Со постепено зголемување на оптоварувањето, се симулираат услови на физички напор за да се види како срцето реагира.

Предности на стрес тестот

Рана детекција на коронарна болест
Прецизна проценка на ритамот и работата на срцето
Следење на ефикасноста на терапијата
Намалување на ризикот од компликации преку навремено реагирање

Стрес тест во Плодност Интермед

Во Плодност Интермед, тестот го изведува тим од врвни кардиолози со најсовремена технологија и внимателен пристап кон секој пациент. Благодарение на високата прецизност и деталната анализа, пациентите добиваат јасна слика за своето срцево здравје и препораки за понатамошни чекори.

The post Stress test – the most reliable check-up for your heart appeared first on Hospital Plodnost.

How Many Children Have Been Born Through IVF Worldwide?

dev — Sat, 23 Aug 2025 09:45:32 +0000

Од првото „бебе во епрувета“ во 1978 година, до денес повеќе од 13 милиони деца ширум светот се родени со помош на ин витро фертилизација (IVF). Ова е бројка која постојано расте и која ја менува историјата на репродуктивната медицина.

Експоненцијален раст низ светот

Според најновите истражувања, бројот на деца родени преку асистирани репродуктивни технологии расте со секоја година:

Австралија е меѓу лидерите во оваа област, со постојан раст на успешни IVF процедури.
Велика Британија бележи огромен напредок во стапките на успех, благодарение на модерните технологии и подобрените медицински протоколи.
Во Европа и САД, IVF е стандардна медицинска постапка за парови кои се соочуваат со проблеми со плодноста.

Плодност – нашата приказна

Во Болница Плодност, досега се родени над 3500 деца со помош на IVF. Зад секој број стои приказна за надеж, упорност и безусловна желба за родителство. Ние сме горди што сме дел од оваа глобална приказна за нови почетоци и семејни радости.

Иднината на IVF

Науката не застанува. Секоја година се развиваат нови техники и технологии кои ги зголемуваат шансите за успех и ги намалуваат ризиците за пациентите. Денес, шансите за успешно зачнување со IVF се многу повисоки отколку пред неколку децении, што им дава надеж на илјадници парови ширум светот.

The post How Many Children Have Been Born Through IVF Worldwide? appeared first on Hospital Plodnost.

Sentinel Lymphadenectomy and 3D Advanced Laparoscopic Hysterectomy (TLH) for Endometrial Cancer

dev — Fri, 22 Aug 2025 09:24:33 +0000

Ендометријалниот карцином е најчестиот гинеколошки тумор кај жените во постменопауза. Благодарение на современите техники и напредната лапароскопска хирургија, денес третманот може да биде поефикасен, побезбеден и со значително побрзо закрепнување.

Во Болница „Плодност“, на 54-годишна пациентка со дијагностициран ендометријален карцином, стадиум IA, успешно изведовме комбинација од сентинел лимфаденектомија и тотална лапароскопска хистеректомија (TLH) со помош на 3D технологија.

Предности на сентинел пристапот

Сентинел техниката овозможува прецизна идентификација на првите лимфни јазли кои може да бидат зафатени од болеста. Со тоа:

Се намалува потребата од обемна лимфаденектомија
Се минимизира ризикот од компликации како лимфедем
Се овозможува побрзо постоперативно закрепнување

3D напредна лапароскопија – хирургија на иднината

Примената на 3D лапароскопија носи неколку клучни придобивки:

Подобра визуализација за прецизни резови
Минимална траума врз ткивата и органите
Shorter hospital stay – our patient was discharged the very next day
Брзо враќање во секојдневниот живот

Овој пристап не само што ја подобрува прецизноста на хируршката интервенција, туку и ја зголемува безбедноста и комфорот на пациентот.

Нашата посветеност кон иновациите

Во ПЛОДНОСТ, постојано ги следиме најновите светски трендови во гинеколошката онкологија и минимално инвазивната хирургија. Комбинацијата на експертиза, технологија и индивидуален пристап кон секој пациент ни овозможува да постигнуваме врвни резултати.

The post Sentinel Lymphadenectomy and 3D Advanced Laparoscopic Hysterectomy (TLH) for Endometrial Cancer appeared first on Hospital Plodnost.

After a successful IVF – back to Plodnost, this time a natural water birth

dev — Thu, 21 Aug 2025 09:55:39 +0000

Некои приказни се вистински доказ дека медицината и природата можат да одат рака под рака кога се работи за создавање нов живот. Нашата пациентка, 35-годишна жена, пред три години ја исполни својата најголема желба и стана мајка на мало девојче, по успешна ин витро (ИВФ), постапка во Плодност, откако претходно имала два неуспешни обиди во други клиники.

Овојпат радоста беше уште поголема – бременоста дојде спонтано, без медицинска интервенција. Со неа дојде и уште една исполнета желба: породување во вода, нешто што го посакувала и првиот пат, но тогаш не се осмелила.

„Второто породување беше полесно и побезболно. Топлата вода ме опушти и за кратко време бебето се роди. Искусив мир и сигурност,“ вели таа, раскажувајќи за уникатното искуство кое ќе го памети цел живот.

Особена благодарност упати до тимот кој беше со неа во текот на целиот процес – д-р Марија, д-р Маргарита, акушерките Христина и Мартина, и сестра Виолета. Таа го истакна и комфорот на новите соби, кои ја направија престојот уште попријатен.

Оваа приказна уште еднаш ја потврдува суштината на нашата работа – да бидеме поддршка и безбедно место за секое семејство кое чекори на патот кон родителството, без разлика дали тоа е со помош на најсовремени технологии како IVF или по патот на природата.

The post After a successful IVF – back to Plodnost, this time a natural water birth appeared first on Hospital Plodnost.

Study Reveals Over 13 Million IVF Babies Born Worldwide

Natasha Kuzman — Thu, 21 Aug 2025 07:07:40 +0000

Ново истражување објавено во списанието Fertility and Sterility Fertility and Sterility откри дека повеќе од 13 милиони бебиња се родени преку ин витро фертилизација (ИВФ) од првото „бебе во епрувета“ во 1978 година

Од нив, 10 до 13 милиони се родени од 1978 до 2018 година, а прелиминарните податоци од 2018 до 2023 додаваат уште 3 до 4 милиони — со што вкупниот број на ИВФ‑бебиња до 2024 година е околу 13 до 17 милиони. Денес „асистирано репродуктивно технологиско“ дете се раѓа на секои околу 35 секунди.

*Global number of infants born from ART. (Adamson et al., Fertil Steril, 2025)

Меѓународниот тим воден од епидемиологот Георџина Чамберс (Унив. на Новый Јужен Велс) ги анализирал податоците од 101 земја, применувајќи конзистентна методологија за да ги процени сите раѓања преку АРТ, и покрај недосконалната реģистрација. Австралија, една од првите земји со воведена ИВФ‑регистрација, и понатаму е светски лидер во безбедност и успешност.

Во Велика Британија, процентот на успешни замрзнати ембриони пораснал од 7 % во 90‑тите до 36 % во 2021 година, а во над 93 % од циклусите се користи само еден ембрион, што ја намалува стапката на множествени породувања на под 3 % ScienceAlert.

*Cumulative number of ART-conceived infants born by region, 1978–2018. (Adamson et al., Fertil Steril, 2025)

Ова истражување раскажува за милиони животи и семејства чие постоење им го должиме на ИВФ технологијата. Во Плодност сме горди што сме дел од оваа глобална приказна за надеж и нови почетоци.

The post Study Reveals Over 13 Million IVF Babies Born Worldwide appeared first on Hospital Plodnost.

Why You Should Get a Pap Smear Test Every Year

dev — Wed, 06 Aug 2025 14:52:49 +0000

Во современата гинеколошка пракса, редовниот ПАП тест претставува еден од најефикасните начини за превенција од рак на грлото на матката. И покрај тоа што тестот трае само неколку минути, неговото значење за здравјето на жената е од огромно значење.

Во Болница Плодност, гинеколозите д-р Марија Христовска и д-р Благојче Обедниковски, дел од тимот со најголемо искуство во регионот, секојдневно нагласуваат: редовната превенција спасува животи.

Што е ПАП тест?

ПАП тестот (Папаниколау тест) е неинвазивен метод со кој се анализираат клетки од грлото на матката за да се откријат евентуални абнормални промени, преканцерозни состојби или присуство на човечкиот папилома вирус (HPV).

Тестот е едноставен, безболен и трае неколку минути, но со него може да се откријат промени кои не даваат никакви симптоми, а доколку не се третираат, може да доведат до сериозни заболувања.

Зошто е важен?

Постојат неколку клучни причини зошто секоја жена треба да направи ПАП тест барем еднаш годишно:

Редовните ПАП тестови го намалуваат ризикот од рак на грлото на матката до 70 проценти.
Навремено откриените преканцерозни промени се целосно излечливи.
Со еден тест се откриваат и скриени воспаленија, HPV инфекција и други аномалии кои често поминуваат незабележано.

Кога треба да се прави?

Според препораките на гинеколозите:

Секоја сексуално активна жена треба да започне со редовни ПАП тестови од 21 година.
Тестот треба да се повторува најмалку еднаш годишно, а во одредени случаи и почесто, по препорака на лекар.
Жените кои имаат позитивен HPV тест или претходни абнормални резултати, треба да бидат под редовна контрола.

Што ако немате симптоми?

Најголемата грешка што жените ја прават е да мислат дека, ако немаат симптоми, не им е потребен гинеколошки преглед. Поголемиот дел од преканцерозните промени не даваат симптоми во раните фази.

Токму затоа редовната контрола е единствениот начин за навремена дијагностика.

Препорака од нашиот тим

„Редовниот гинеколошки преглед и ПАП тестот можат да спречат огромни здравствени компликации. Не чекајте симптоми, проверете се барем еднаш годишно,“ вели д-р Марија Христовска.

Во Плодност, секоја пациентка добива персонализирана грижа, преглед без чекање и брзи резултати. Нашата мисија е превенција, доверба и грижа за секоја жена.

Болница Плодност – Оддел за гинекологија

st. ASNOM no. 9, Bitola, North Macedonia

+389 47 208 880

Viber: +389 75 472 503

The post Why You Should Get a Pap Smear Test Every Year appeared first on Hospital Plodnost.

IVF Therapy: Key Steps for a Successful Start

dev — Wed, 06 Aug 2025 12:10:12 +0000

Хормоналната терапија претставува првиот и еден од најважните чекори во процесот на ин витро фертилизација. Таа игра централна улога во стимулирањето на јајниците, овозможува развој на квалитетни јајце-клетки и ја зголемува веројатноста за добивање здрави ембриони. Дополнително, таа подготвува идеални услови за успешна имплантација и развој на бременоста.

Во Плодност, пристапот кон секоја пациентка е индивидуализиран и стручно воден. Тимот на лекари и медицински сестри се грижи за секој детаљ, а хормоналната терапија започнува со темелна евалуација и личен план за третман. Нашата цел е јасна – да обезбедиме највисок степен на сигурност и ефикасност уште од самиот почеток.

Зошто хормоналната терапија е клучна?

Ја стимулира овулацијата и овозможува развој на повеќе фоликули
Го зголемува бројот и квалитетот на достапните јајце-клетки
Ја подобрува ендометријалната подготвеност за имплантација
Обезбедува прецизна контрола врз целиот циклус на IVF

Сестра Снешка, главна медицинска сестра на IVF одделот во Плодност, вели:

„Правилната примена на хормоналната терапија е половина од успехот. Секој лек, секоја инекција, секоја доза – мора да се применува прецизно и навремено.“

Клучни чекори за успешна IVF терапија

Навремена апликација на терапијата:

Инекциите треба да се аплицираат во исто време секој ден. Ова ја одржува хормоналната рамнотежа и го зголемува одговорот на јајниците.
Почитување на упатствата од лекарот:

Секој протокол е прилагоден индивидуално. Нема универзално решение, затоа секоја пациентка треба строго да се придржува до препораките.
Контроли и ултразвук:

Редовното следење е клучно. Лекарот го следи растот на фоликулите и ја прилагодува терапијата ако е потребно.

Прецизна техника при апликација: Инекциите се даваат поткожно, обично под агол од 45 или 90 степени, во зависност од конкретниот препарат.

„Никогаш не импровизирајте. Доколку нешто не ви е јасно, веднаш консултирајте се со нас,“ советува сестра Снешка.

Поддршка и сигурност во Плодност

Индивидуализирани протоколи за терапија прилагодени на вашата дијагноза
Континуирана комуникација со назначената медицинска сестра и доктор
Безбедна и следена средина за секоја инекција
Целосна едукација за пациентите за тоа како да ги применуваат лековите
Емоционална и психолошка поддршка во текот на целиот процес

Во Плодност, секоја пациентка добива постојана поддршка – од првиот ден на терапија до моментот на трансфер на ембриони. Тимот работи координирано, со најнова технологија и комплетна посветеност кон секоја приказна.

IVF терапијата не е само медицински процес – тоа е заедничка работа, емпатија, и верба во успехот.

Доколку размислувате за ин витро оплодување или сакате повеќе информации за хормоналната подготовка, обратете се кај нашиот IVF тим за детална консултација.

Плодност – Центар за асистирана репродукција

st. ASNOM no. 9, Bitola, North Macedonia

+389 47 208 880

Viber: +389 75 472 503

The post IVF Therapy: Key Steps for a Successful Start appeared first on Hospital Plodnost.